இயற்கையை அழித்து வளர்ச்சித் திட்டங்களை மேற்கொள்ளாதீர்கள்- உயர்நீதிமன்றம்..!

இயற்கையை அழித்து வளர்ச்சித் திட்டங்களை மேற்கொள்ளக் கூடாது எனசென்னை உயர்நீதிமன்றம் தெரிவித்துள்ளது.

செங்கல்பட்டை சார்ந்த ஸ்ரீதர் என்பவர் சென்னை உயர்நீதிமன்றத்தில் பொதுநல வழக்கு தொடர்ந்தார். இந்த வழக்கில், பழைய மாமல்லபுரம் சாலையின் 2-வது திட்டத்துக்காக செங்கல்பட்டு கல்லேரியை மணல் மூலம் நிரப்புவதாகவும், இந்த நடவடிக்கைக்கு தடை விதிக்க உத்தரவிட வேண்டும் என வழக்கு தொடந்தார்.

இந்த வழக்கு தலைமை நீதிபதி அமர்வு முன் விசாரணைக்கு வந்தது. அப்போது, தமிழக அரசு இயற்கையை அழித்து வளர்ச்சி திட்டங்களை மேற்கொள்ளக்கூடாது. நீர் நிலைகளை நிரப்பி சாலை அமைப்பதற்கு பதில் எந்த வித பாதிப்பும் இல்லாத வகையில் நீர்நிலைகள் மேல் பாலம் அமைத்து சாலை அமைக்கலாம் எனஆலோசனை வழங்கியுள்ளது.

மேலும், நீர்நிலைகளை தமிழக அரசு ஆக்கிரமிக்க கூடாது என உத்தரவிட்டு வழக்கு விசாரணை 2 வாரம் தள்ளிவைக்கப்பட்டுள்ளது.