திமுகவின் பெண் சிங்கம் சத்தியவாணிமுத்து.! முதல்வர் மு.க.ஸ்டாலின் பெருமிதம்.!

திமுகவின் பெண் சிங்கம் சத்தியவாணிமுத்து. என நேற்று நடந்த விழாவில் சென்னையில் முதல்வர் மு.க.ஸ்டாலின் பெருமையாக பேசினார். 

சென்னையில் திமுக மகளிரணி சார்பில் மறைந்த முன்னாள் திமுக அமைச்சர் சத்தியவாணி முத்து அவர்களின் நூற்றாண்டு விழாவானது நேற்று திமுக மகளிரணி சார்பில் நடைபெற்றது. அதில் முதல்வர் மு.க.ஸ்டாலின், கனிமொழி எம்பி, அமைச்சர் துரைமுருகன் உள்ளிட்ட மூத்த முக்கிய திமுக நிர்வாகிகள் பலர் கலந்து கொண்டனர்.

பெண் சிங்கம் : அதில் பேசிய முதல்வர் மு.க.ஸ்டாலின், திமுகவின் பெண் சிங்கம்  சத்யவாணிமுத்து. என குறிப்பிட்டார். என பேரறிஞர் அண்ணாவையே தனது பேச்சால் கவர்ந்தவர். சத்தியவாணிமுத்துவுக்கும் கலைஞர் கருணாநிதிக்கும் கொள்கை ரீதியிலான நட்பு இருந்தது என குறிப்பிட்டார்.

9 முறை சிறை : மேலும், சில கருத்து வெறுப்பாடுகளால் திமுகவில் இருந்து பிரிந்தாலும் மீண்டும் தன்னை திமுகவுடன் இணைத்து கொண்டார் சத்யவாணி முத்து என கூறினார். மேலும், பல்வேறு போராட்டங்களுக்காக அவர் 9 முறை சிறை சென்றுள்ளார். தற்போது அரசியலுக்கு வர நினைக்கும் பெண்களுக்கு சத்தியவாணிமுத்து ஒரு பாடம். இறுதி வரை போராட்ட குணம், தியாக குணம் , கொள்கை உணர்வு கொண்டு வாழ்ந்து காட்டியவர் சத்யவாணிமுத்து என குறிப்பிட்டு பேசியுள்ளார் முதல்வர் மு.க.ஸ்டாலின்.