மின்துறை தனியார்மயமாக்கல்.! திமுக உட்பட கூட்டணி கட்சியினர் 500க்கும் மேற்பட்டோர் ஆர்ப்பாட்டம்.!

புதுசேரி மின்சாரதுறை தனியார் மயமாக்களுக்கு எதிர்ப்பு தெரிவித்து திமுக, விசிக, கம்யூனிஸ்ட் உள்ளிட்ட மதசார்பற்ற முற்போக்கு கூட்டணியினர் போராட்டம் நடத்தினர். 

புதுசேரி மின்சாரத்துறையை தனியாரிடம் ஒப்படைக்க மத்திய அரசு முதற்கட்ட பணிகளை தொடங்கி உள்ளது. அதற்கான வேலைகளை அரசு ஆரம்பித்ததும் அதற்கு கடும் எதிர்ப்புகள் கிளம்பின.

குறிப்பாக புதுசேரி மின்சாரத்துறை ஊழியர்கள் போராட்டத்தில் ஈடுபட்டு வருகின்றனர். இன்று புதுச்சேரியில், திமுக, மதிமுக, கம்யூனிஸ்ட், விசிக போன்ற எதிர்க்கட்சிகள் அடங்கிய மதசார்பற்ற முற்போக்கு கூட்டணியினர் போராட்டத்தில் ஈடுபட்டனர்.

அதில், சுமார் 500க்கும் மேற்பட்டோர் கலந்து கொண்டனர். ஆர்பாட்டத்தில் ஈடுபட்ட போராட்டக்காரர்கள் சாலை மறியலிலும் ஈடுபட்டனர். இந்த ஆர்ப்பாட்டத்திற்கு மின்தொழிலாளர்களும் ஆதரவு தெரிவித்தனர்.