அண்ணா அறிவாலயத்தில் திமுக தொண்டர்கள் பட்டாசு வெடித்து கொண்டாட்டம்..!

அண்ணா அறிவாலயத்தில் திமுக தொண்டர்கள் பட்டாசு வெடித்து கொண்டாட்டம்

சமீபத்தில் தமிழகம் கேரளா, மேற்கு வங்கம், அஸ்ஸாம் மற்றும் புதுச்சேரி ஆகிய மாநிலங்களிலும் தேர்தல் நடைபெற்றது. அஸ்ஸாமில் 3 கட்டங்களாகவும், மேற்கு வங்கத்தில் 8 கட்டங்களாகவும், தமிழகம், கேரளா, புதுச்சேரி மாநிலங்களில் தலா ஒரே கட்டமாகவும் வாக்குபதிவு நடைபெற்றது.

இந்நிலையில், இன்று தமிழகம் உட்பட 5 மாநிலங்களில் இன்று காலை 8 மணி முதல்  வாக்கு எண்ணிக்கை தொடர்ந்து, எண்ணப்பட்டு வருகிறது. இந்நிலையில், தமிழகத்தில் உள்ள 234 தொகுதிகளில் திமுக கூட்டணி 139 தொகுதியிலும், அதிமுக கூட்டணி 92 தொகுதியிலும், அமமுக 2 தொகுதியிலும் , மக்கள் நீதி மய்யம்  ஒரு தொகுதியிலும் முன்னிலையில் உள்ளனர்.

அதிக தொகுதிகளில் திமுக முன்னிலையில் உள்ளதால் சென்னையில் உள்ளஅண்ணா அறிவாலயத்தில் திமுக தொண்டர்கள் பட்டாசு வெடித்தும், இனிப்பு வழங்கியும் தங்களது மகிழ்ச்சியை வெளிப்படுத்தினர்.