ஒருபுறம் சந்திப்பு; மறுபுறம் ஆளுநருக்கு எதிராக சரமாரி கேள்வி எழுப்பிய திமுக ..!

மக்களவையில் திமுக எம்.பி மற்றும் திமுக நாடாளுமன்ற குழு தலைவர் டி.ஆர்.பாலு பேசுகையில், நீட் விலக்கு உள்ளிட்ட மசோதாக்களுக்கு ஒப்புதல் அளிக்காத ஆளுநர் ஆர்.என்.ரவி மாற்றப்பட வேண்டும். திமுக ஆட்சிக்கு வந்தபிறகு 7 மசோதாக்கள் நிறைவேற்றப்பட்டுள்ளன. 1 மசோதாவுக்குக் கூட ஆளுநர் ஒப்புதல் அளிக்கவில்லை.  நீட் மசோதா, 7 பேர் விடுதலை, சித்த பல்கலைக்கழக மசோதா உள்ளிட்ட ஏழு மசோதாக்கள் ஆளுநர் மாளிகையில் கிடப்பில் உள்ளன. ஆளுநர் சட்டப்படி செயல்பட வேண்டும்.

மக்களால் தெரிந்தெடுக்கப்பட்ட அரசு நிறைவேற்றி அனுப்பும் மசோதாக்களை ஆளுநர் கிடப்பில் போடுவதா..? சட்டப் பேரவையில் நிறைவேற்றிய நீட் விலக்கு மசோதாவுக்கு ஆளுநர் உடனே ஒப்புதல் தர வேண்டும். 7 மசோதாவுக்கு ஒப்புதல் அளிக்காத நிலையில் அரசை எப்படி நடத்துவது..? ஆளுநர் ரவியின் செயல் வெட்கக்கேடானது என சரமாரி கேள்வி எழுப்பினார்.

ஒருபுறம் முதல்வர் மு.க.ஸ்டாலின்  நீட் தேர்வுக்கு விலக்கு கோரும் மசோதாவின் நிலை குறித்து ஆளுநர் ரவியுடன் ஆலோசனை நடத்தி வந்த நேரத்தில் மறுபுறம் மக்களவையில் தமிழக ஆளுநருக்கு எதிராக  டி.ஆர்.பாலு முழக்கம் எழுப்பி வருகிறார்.