திமுக தலைவர் தலைமையில் இன்று அனைத்து கட்சி கூட்டம்…

by kavithaPosted on September 21, 2020

தமிழகத்தில் கொரோனா வைரஸ் தொற்று பரவலுக்கு இடையே ஏற்கனவே 2 முறை தி.மு.க. தலைவர் மு.க.ஸ்டாலின் காணொலி காட்சி வழியாக அனைத்து கட்சிக் கூட்டத்தை நடத்தினார். அதில், கொரோனா நிவாரணம், நீட் தேர்வு குறித்து விவாதிக்கப்பட்டன.

இந்நிலையில்,தற்போது மூன்றாவது முறையாக சென்னை அண்ணா அறிவாலயத்தில் இன்று திங்கட்கிழமை அனைத்து கட்சிக் கூட்டம் திமுக தலைவர் மு.க.ஸ்டாலின் தலைமையில் நடைபெற இருக்கிறது

இதுதொடர்பாக, தி.மு.க. தலைமைக் கழகம் சார்பில் வெளியிடப்பட்டுள்ள அறிவிப்பில் கூறப்பட்டுள்ளதாவது:

தி.மு.க. தலைவர் மு.க.ஸ்டாலின் தலைமையில் 21-ந் தேதி (திங்கட்கிழமை) காலை 10.30 மணி அளவில் சென்னை அண்ணா அறிவாலயத்தில் அனைத்து கட்சிக் கூட்டம் நடைபெறும்.இந்தக் கூட்டத்தில், விவசாயிகளுக்கு விரோதமாக பாராளுமன்றத்தில் கொண்டு வரப்பட்டுள்ள 3 சட்டங்கள் குறித்து விவாதிக்கப்பட இருக்கிறது என தெரிவித்துள்ளது.