திமுக நிச்சயம் வெற்றி பெறும் : கனிமொழி

மக்களவை தேர்தல் மற்றும் இடைத்தேர்தல் தமிழகத்தின் அனைத்து பகுதிகளிலும் மிகவும் விறுவிறுப்பாக நடைபெற்று வருகிறது. இந்நிலையில், அனைத்து அரசியல் தலைவர்களும், பிரபலங்களும் தங்களது வாக்குகளை பதிவு செய்து வருகின்றனர்.

இந்நிலையில், சென்னை மயிலாப்பூர் புனித எப்பாஸ் பெண்கள் மேல்நிலைப்பள்ளியில் தூத்துக்குடி தொகுதி வேட்பாளர் கனிமொழி வாக்களித்தார். தனது வாக்கை பதிவு செய்த பின் செய்தியாளர்களை சந்தித்து பேசினார் கனிமொழி.

அப்போது பேசிய அவர், இந்த தேர்தல் ஜனநாயக முறைப்படி நடத்தி முடிக்க வேண்டும் என்றும், இந்த தேர்தலில் திமுக நிச்சயம் வெற்றி பெறும் என்றும் தெரிவித்துள்ளார்.