நீட் தேர்வில் மாணவர்கள் இனி காப்பி அடிக்கலாம்!

முன்னாள் அமைச்சர் கே.என்.நேரு, தி.மு.க ஆட்சிக்கு வந்தால் நீட் தேர்வில் மாணவர்களை காப்பி அடிக்க அனுமதிப்போம் என்கிற பொருள்படும்படி  பேசியிருப்பது சர்ச்சையை ஏற்படுத்தியுள்ளது. நீட் தேர்விலிருந்து விலக்கு அளிக்கக் கோரி திருச்சியில் நேற்று ஆர்ப்பாட்டம் நடைபெற்றது.

திருச்சி சிந்தாமணி அண்ணாசிலை அருகே நடைபெற்ற இந்த ஆர்ப்பாட்டத்தில் முன்னாள் அமைச்சர் கே.என்.நேரு கலந்து கொண்டார். ஆர்ப்பாட்டத்தில் பேசிய அவர், திமுக ஆட்சிக்கு வந்த பிறகு நீட் தேர்விலிருந்து விலக்கு பெற முயற்சி செய்ய உள்ளதாக கூறினார்.

ஒருவேலை நீட் தேர்வில் இருந்து விலக்கு பெற முடியவில்லை என்றால் மாணவர்களை காப்பி அடிக்க அனுமதிப்போம் என்றார். பீகார் மற்றும் மத்திய பிரதேசத்தில் மாணவர்கள் காப்பி அடிக்க அனுமதிக்கப்படும் போது, தமிழகத்தில் உள்ள மாணவர்கள் எத்தனை நாளைக்கு உத்தமசீலர்களாக இருப்பது எனவும் கே.என்.நேரு கேள்வி எழுப்பினார்.

நீட் தேர்வில் மாணவர்களை காப்பி அடிக்க அனுமதிப்போம் என்று கே.என்.நேரு பேசிய போது அருகில் இருந்து கைதட்டி உற்சாகப்படுத்தியது குறிப்பிடத்தக்கது.

மேலும் செய்திகளுக்கு தினச்சுவடுடன் இணைந்திருங்கள்.