நேற்றுடன் அதிமுக மாவட்ட நிர்வாகிகள் ஆலோசனைக் கூட்டம் நிறைவு.!

• கடந்த 10-ம் தேதி முதல் சென்னை ராயப்பேட்டையில் உள்ள அதிமுக கட்சி தலைமை கழகத்தில் மாவட்ட  வாரியாக அதிமுக நிர்வாகிகளுடன் ஆலோசனை கூட்டம் நேற்றுடன் நிறைவடைந்தது. இந்த கூட்டத்தில் 5 தீர்மானங்கள் நிறைவேற்றப்பட்டுள்ளது.

கடந்த 10-ம் தேதி முதல் சென்னை ராயப்பேட்டையில் உள்ள அதிமுக கட்சி தலைமை கழகத்தில் மாவட்ட  வாரியாக அதிமுக நிர்வாகிகளை முதல்வர் எடப்பாடி பழனிச்சாமி, துணை முதலவர் ஓ.பன்னீர்செல்வம் மற்றும் நிர்வாகிகள் சந்தித்து ஆலோசனை நடத்தினர். இந்த நிலையில் அதிமுகவை பொறுத்தவரை கட்சியை நிர்வகிக்க வசதியாக மொத்தம் 56 மாவட்டங்களாக பிரித்து நிர்வாகிகள் நியமிக்கப்பட்டனர். இதனிடையே 12 மற்றும் 13-ம் தேதி நடைபெற இருந்த ஆலோசனை கூட்டமானது தமிழக பட்ஜெட் தாக்கல் செய்ததால் 15 மற்றும் 16-ம் தேதிக்கு தள்ளிவைக்கப்பட்டது.

இதையடுத்து கடந்த இரு தினங்களாக நடைபெற்று வந்த ஆலோசனை கூட்டம் நிறைவடைந்தது. இந்த ஆலோசனை கூட்டத்தில் 5 தீர்மானங்கள் நிறைவேற்றப்பட்டுள்ளது.  இதனிடையே நிறைவு கூட்டத்தில், சேலம் மாநகர், சேலம் புறநகர், நாமக்கல், கிருஷ்ணகிரி கிழக்கு, கிருஷ்ணகிரி மேற்கு ஈரோடு மாநகர், ஈரோடு புறநகர் உள்ளிட்ட 7 மாவட்ட நிர்வாகிகளுடன் தனித்தனியாக ஆலோசனை நடைபெற்றது. இக்கூட்டத்தில், மாநகராட்சி, நகராட்சி, பேரூராட்சி மற்றும் விடுபட்ட 9 மாவட்ட உள்ளாட்சி தேர்தல்கள் வரும் ஏப்ரல் மாதம் நடைபெற வாய்ப்பு உள்ளதால் அதற்கு தயார்படுத்தும் வகையிலும், அடுத்தாண்டு நடைபெறும் சட்டப்பேரவை தேர்தல் குறித்தும் ஆலோசனை கூட்டம் நடைபெற்றதாக கூறப்படுகிறது.