ஈரோடு கிழக்கு தொகுதியில் வாக்காளர்களுக்கு ரூ.3,000 விநியோகமா? – வெளியான தகவல்!

ஈரோடு கிழக்கு தொகுதியில் வாக்காளர்களுக்கு தலா ரூ.3,000 விநியோகம் செய்யப்படுவதாக புகார்.

தேர்தல் ஆணையம்:

ஈரோடு கிழக்கு சட்டமன்ற தொகுதிக்கான இடைத்தேர்தல் நெருங்கி வரும் நிலையில், பரிசுப்பொருட்கள் விநியோகம், பணப்பட்டுவாடா தடுப்பு, அனுமதியின்றி இயங்கிய தேர்தல் பணிமனைகளுக்கு சீல் வைப்பு மற்றும் விதிமீறல் தொடர்பாக வழக்குப்பதிவு உள்ளிட்ட பல்வேறு நடவடிக்கைகளை தேர்தல் அலுவலர் மேற்கொண்டு வருகிறார்.

பணப்பட்டுவாடா:

இந்த நிலையில், வரும் 27ம் தேதி இடைத்தேர்தல் நடைபெற உள்ள நிலையில், நேற்று நள்ளிரவு முதல் வாக்காளர்களுக்கு பணப்பட்டுவாடா தொடங்கியுள்ளதாக தகவல் வெளியாகியுள்ளது. வாக்காளர் பட்டியலை கொண்டு அரசியல் கட்சியினர் தலா ரூ.3,000 வழங்கி வருவதாக புகார் எழுந்துள்ளது. அரசியல் கட்சியினர் கொடுத்த பணம் குறித்து வாக்காளர்களே தெரிவித்தாகவும் கூறப்படுகிறது.

வாக்காளர்களுக்கு வெட்டி, சேலை:

ஜீவானந்தம் வீதி, கள்ளுக்கடை மேடு உள்ளிட்ட பகுதிகளில் வாக்காளர்களுக்கு பணம் விநியோகம் என குற்றசாட்டு எழுந்துள்ளது. அதேபோல், அதிமுக, திமுக என இரு கட்சிகளும் வாக்காளர்களுக்கு வெட்டி, சேலை மற்றும் பணம் வழங்க தொடங்கியிருப்பதாகவும், அதிகாலை 2 மணி முதல் 4 மணி பணப்பட்டுவாடா நடைபெறுவதாக தகவல் வெளியாகியுள்ளது. இதில், வாக்காளர்களுக்கு 3000 ரூபாய் திமுகவினருக்கு, 2000 ரூபாய் அதிமுகவினரும் கொடுப்பதாவும் கூறப்படுகிறது.

மற்ற கட்சியினர் குற்றசாட்டு:

ஈரோடு கிழக்கு தொகுதி போட்டியிடும் மற்ற கட்சியினர், சுயேட்சை வேட்பாளர்கள்கே, தேர்தல் அலுவலரிடம் ஜனநாயக முறைப்படி, நியாயமாக தேர்தல் நடைபெற வேண்டும் என  கோரிக்கை வைத்து, பணப்பட்டுவாடா, பரிசு பொருட்கள் விநியோகம் உள்ளிட்டவை குறித்து குற்றசாட்டியுள்ளனர்.