ராஜராஜசோழன் போல முதல்வர் ஸ்டாலின் செயல்படுகிறார்.! தமிழக பாடநூல் கழகத் தலைவர் லியோனி புகழாரம்.!

ராஜராஜன் கோவில்கள் கட்டியது போல முதல்வர் மு.க.ஸ்டாலின் தமிழக கோவில்களை புனரமைத்து அனைவரும் வழிபட ஏற்பாடு செய்து வருகிறார் என தமிழ்நாடு பாடநூல் கழகத்தலைவர் திண்டுக்கல் லியோனி பேசினார். 

தூத்துக்குடியில் திமுக ஆட்சியின் சாதனை விளக்க பொதுகூட்டம் நடைபெற்றது . இதில் சமூகநலத்துறை அமைச்சரும் தூத்துக்குடி எம்.எல்.ஏவுமான கீதாஜீவன் தலைமை தாங்கினார்.

இதில் சிறப்பு அழைப்பாளராக தமிழக பாடநூல் கழகத்தலைவர் திண்டுக்கல் லியோனி கலந்துகொண்டு பேசினார். அப்போது அவர் பேசுகையில் , ‘ ராஜராஜசோழன் மன்னம் எப்படி கோவிகள் கட்டி அனைவரும் வந்து வழிபட ஆன்மீக தலங்கள் அமைத்தாரோ அதே போல் தான் முதல்வர் ஸ்டாலின் செயல்படுகிறார்.’ என தெரிவித்தார் .

மேலும், ‘ தமிழகத்தில் உள்ள அனைத்து கோவில்களையும் சீரமைத்து அனைவரும் வழிபட ஏற்பாடு செய்து வருகிறார். அதற்கு எடுத்துக்காட்டு தான் திருச்செந்தூர் முருகன் கோவில் 400 கோடி செலவீட்டில் புனரமைக்கப்பட உள்ளது.’ என திண்டுக்கல் லியோனி பேசினார்.