தினகரன் பின்னால் செல்வதே சிறந்தது-அதிமுக கள்ளக்குறிச்சி எம்.எல்.ஏ

அதிமுக.வை சேர்ந்த கள்ளக்குறிச்சி எம்.எல்.ஏ. பிரபு இன்று தினகரனை நேரில் சென்று சந்தித்து, அவருடன் இணைந்துள்ளார். சென்னை அடையாறில் உள்ள தினகரன் வீட்டிற்கு சென்று சந்தித்த பிரபு, அதன் பின் செய்தியாளர்களை சந்தித்து பேசினார். அப்போது அவர் கூறுகையில், ” மக்கள் ஆதரவு டிடிவி தினகரனுக்கு தான் உள்ளது. இவரை சந்தித்தது எனது தனிப்பட்ட முடிவு. மேலும் பல எம்.எல்.ஏ.க்கள் விரைவில் வந்து தினகரனை சந்திப்பர்.” என்று கூறியுள்ளார். மேலும் பேசிய அவர் அதிமுக-வில் இருந்து கொண்டு மக்கள் சேவையை சரி வர செய்ய முடியவில்லை என்றும், பணிகளை செய்வதற்கு மாவட்டத்திலேயே பல முட்டுக்கட்டைகள் போடப்படுகிறது என்றும் தெரிவித்தார். அதனை அடுத்து, “அமைச்சர்களிடம் பலமுறை புகார் தந்தும் தமது தொகுதி பிரச்சனைகளை தீர்க்க அவர்கள் உரிய நடவடிக்கை எடுக்கவில்லை. எனவே, தமிழகத்தை வழிநடத்த மக்கள் ஆதரவு பெற்ற தினகரன் பின்னால் செல்வதே சிறந்தது” என்று அவர் கூறியுள்ளார்.