தேர்தல் ஆணைய தீர்ப்பின் மூலம் தர்மம் வென்றுள்ளது – முன்னாள் அமைச்சர் செங்கோட்டையன்

தேர்தல் ஆணைய தீர்ப்பின் மூலம் தர்மம் வென்றுள்ளது என முன்னாள் அமைச்சர் செங்கோட்டையன் பேட்டி. 

ஓபிஎஸ் அதிமுக பொதுச்செயலாளராக எடப்பாடி பழனிசாமியை அங்கீகரிக்க கூடாது என தேர்தல் ஆணையத்தில், மனு அளித்திருந்தார்.  இதனை தொடர்ந்து தன்னை அதிமுக பொதுச்செயலாளராக அங்கீகரிக்க வேண்டும் என்று எடப்பாடி பழனிசாமி தரப்பில் தேர்தல் ஆணையத்தில் முறையீடு செய்யப்பட்டது.

இந்த நிலையில், எடப்பாடி பழனிசாமி அதிமுக பொதுச்செயலாளரானது செல்லும் என தலைமை தேர்தல் ஆணையம் அங்கீகரித்துள்ளது. இந்த அறிவிப்பு அதிமுக தரப்பில் உள்ளவர்களை மகிழ்ச்சி வெள்ளத்தில் ஆழ்த்தியுள்ளது.

தர்மம் வென்றுள்ளது

இந்த நிலையில், இதுகுறித்து சட்டப்பேரவை வளாகத்தில் அதிமுக முன்னாள் அமைச்சர் செங்கோட்டையன் செய்தியாளர்களுக்கு அளித்த பேட்டியில், எதிர்க்கட்சித்தலைவர் எடப்பாடி பழனிசாயை அதிமுக பொதுச்செயலாளராக அங்கீகரித்து தேர்தல் ஆணையம் நல்ல தீர்ப்பை வழங்கியுள்ளது; தேர்தல் ஆணைய தீர்ப்பின் மூலம் தர்மம் வென்றுள்ளது என தெரிவித்துள்ளார்.