#Breaking: ஆர்.எஸ்.பாரதியின் ஜாமீன் மனு மீதான தீர்ப்பு ஒத்திவைப்பு!

திமுக அமைப்பு செயலாளர் ஆர்.எஸ்.பாரதி ஜாமீன் மனு மீதான தீர்ப்பு ஒத்திவைக்கப்பட்டுள்ளதாக சென்னை முதலாவது கூடுதல் அமர்வு நீதிமன்றம் தெரிவித்துள்ளது.

திமுக அமைப்பு செயலாளர் ஆர்.எஸ்.பாரதி ஜாமீன் பெறுவதற்காக சென்னை முதலாவது கூடுதல் அமர்வு நீதிமன்றத்தில் சரணடைந்தார். இடைக்கால ஜாமீன் நேற்றுடன் முடிந்த நிலையில், வழக்கமான ஜாமீன் பெற சரணடைந்துள்ளார் ஆர்.எஸ்.பாரதி. அவரின் ஜாமீன் மனு நீதிமன்றத்தில் விசாரிக்கப்பட்டது.

இந்நிலையில், ஆர்.எஸ்.பாரதி, காவல்துறை மற்றும் மனுதாரர் கல்யாண சுந்தரின் வாதங்கள் முடிவடைந்த நிலையில், வன்கொடுமை தடுப்பு சட்ட வழக்கில் கைதான ஆர்.எஸ்.பாரதியின் ஜாமீன் மனு மீதான தீர்ப்பை ஒத்திவைத்துள்ளதாக சென்னை முதலாவது கூடுதல் அமர்வு நீதிமன்றம் தெரிவித்துள்ளது.