இடைத்தேர்தல் முடிவுகள்.! தொடங்கியது வாக்கு எண்ணிக்கை..! குவியும் வேட்பாளர்கள்.!

ஈரோடு கிழக்கு இடைத்தேர்தலில் வாக்கு எண்ணிக்கை தொடங்கியுள்ளது. 

கடந்த மாதம் 27ஆம் தேதி நடந்து முடிந்த ஈரோடு கிழக்கு தொகுதி இடைத்தேர்தல் முடிவுகள் இன்று அறிவிக்கப்பட உள்ளன. வாக்கு எண்ணிக்கை பணிகள் தற்போது தொடங்கியுள்ளன.

ஈரோடு கிழக்கு இடைத்தேர்தல் வாக்கு எண்ணிக்கையானது , சித்தோடு பகுதில் உள்ள ஐஆர்டிடி பொறியியல் கல்லூரில் நடைபெற்று வருகிறது. 2 அறைகளில் 16 மேஜைகளில் வாக்குகள் எண்ணப்பட்டு 15 சுற்றுகளாக இந்த முடிவுகள் வெளியாக உள்ளது. வாக்கு எண்ணிக்கை மையத்தில் 5 அடுக்கு பாதுகாப்பு போடப்பட்டுள்ளது.

வாக்கு எண்ணிக்கை நடைபெறுவதால், அதிமுக வேட்பாளர் தென்னரசு, தேமுதிக வேட்பாளர் ஆனந்த் , நாம் தமிழர் கட்சி வேட்பாளர் மேனகா ஆகியோரும், மற்ற அரசியல் பிரமுகர்களும் காவல்துறையின் சோதனைக்கு பிறகு வாக்கு  எண்ணிக்கை மையத்திற்குள் அனுமதிக்கப்பட்டனர்.

இந்த இடைத்தேர்தலில் மொத்தமாக 397 தபால் வாக்குகள் பதிவாகி உள்ளன. இன்னும் சற்று நேரத்தில் தபால் வாக்குகள் முன்னிலை நிலவரம் தெரியவந்துவிடும். அதன் பிறகு, சாமானியர்களின் வாக்கு எண்ணிக்கை விவரங்கள் வெளியாக உள்ளது.