கொரோனா வார்டில் அனுமதிக்கப்பட்டு சிகிச்சை பெற்று வந்த நபர் உயிரிழப்பு.!

கன்னியாகுமரி மாவட்டம் குளச்சல் அருகே உள்ள கோடிமுனை பகுதியை சேர்ந்த 40 வயதான ஒருவர், மார்ச் 3ம் தேதி குவைத் நாட்டில் இருந்து சொந்த ஊர் திரும்பியுள்ளார். காய்ச்சலோடு வந்ததால், கொரோனா தொற்று இருக்குமோ என்று சந்தேகத்தோடு கடந்த புதன்கிழமை நாகர்கோவிலில் உள்ள அரசு மருத்துவமனையில் உள்ள கொரோனா வார்டில் அனுமதிக்கப்பட்டு சிகிச்சை பெற்று வந்தார். பின்னர் அவருடைய ரத்தம் மாதிரிகள் சேகரிக்கப்பட்டு திருநெல்வேலி மருத்துவமனைக்கு அனுப்பி வைக்கப்பட்டுள்ளது.

இந்நிலையில், ரத்தம் மாதிரிகள் பரிசோதிக்க அனுப்பட்ட நிலையில், அவர் இன்று சிகிச்சை பலனின்றி உயிரிழந்தார். இதுகுறித்து அரசு மருத்துவர்கள் கூறுகையில், உயிரிழந்தவருக்கு ஏற்கெனவே கல்லீரல் மற்றும் மூளைக்காய்ச்சல் பாதிப்பு இருந்துள்ளது. ரத்த பரிசோதனை முடிவுகள் வந்த பின்னர் தான் அவரது இறப்புக்கான காரணம் தெரியவரும் என்று தெரிவித்தனர். இதனால் அப்பகுதில் பெரும் பரபரப்பு ஏற்பட்டுள்ளது.