12-ம் வகுப்பு பாடப்புத்தகத்தில் கொரோனா வைரஸ்.?

12-ம் வகுப்பு புத்தக்கத்தில் கொரோனா குறித்த பாடங்கள் சேர்க்கப்பட்டதாக பள்ளிக்கல்வித் துறை அதிகாரிகள் தகவல் தெரிவித்துள்ளனர்.

இந்தியாவில் கொரோனாவால் 50,000-க்கும் மேற்பட்டோர் பாதிக்கப்பட்டுள்ளனர். மேலும், 1980 பேர் உயிரிழந்துள்ளனர் கொரோனா  பாதிப்பில் இருந்து கிட்டத்தட்ட 17,000-க்கும் மேற்பட்டோர் குணமடைந்து வீடு திரும்பியுள்ளனர் என மத்திய சுகாதார அமைச்சகம் தெரிவித்துள்ளது.

கொரோனா வைரஸ் பரவுவதை கட்டுப்படுத்த மே 17-ம் தேதி வரை ஊரடங்கு நீட்டிக்கப்பட்டுள்ளது. இதைத்தொடர்ந்து சிவப்பு மண்டலப் பகுதிகளில் கட்டுப்பாடுகள் தொடரும் என்றும் ஆரஞ்சு, பச்சை மண்டல பகுதிகளில் பல தளர்வுகள் கொடுக்கப்பட்டுள்ளது.

இந்நிலையில், 12-ம் வகுப்பு புத்தக்கத்தில் கொரோனா குறித்த பாடங்கள் சேர்க்கப்பட்டதாக பள்ளிக்கல்வித் துறை அதிகாரிகள் தகவல் தெரிவித்துள்ளனர். நுண் உயிரியல் பாடத்தின் 10-வது அலகில் மருத்துவ வைராலஜி என்ற தலைப்பில் வைரஸ் எப்படி பரவுகிறது? பாதிப்பு சிகிச்சை முறைகள் என்ன? என்பது குறித்து விளக்கம் அளிக்கப்பட்டுள்ளது.