சட்டப்பேரவையில் மு.க.ஸ்டாலின் உள்ளிட்டோருக்கு கொரோனா சோதனை

கொரோனா வைரஸ் சீனாவை மட்டும் அல்லாமல் உலகையே அச்சுறுத்தி வருகிறது.இந்த பட்டியலில் இந்தியாவும் அடங்கும்.இந்தியாவிலும் தொடர்ந்து பாதிப்பை ஏற்படுத்தி வருகிறது. 100க்கும் மேற்பட்டோர் பாதிக்கப்பட்டுள்ளனர்.மேலும் 2 பேரின் உயிரிழந்துள்ளனர்.இதனை அடுத்து கொரோனா பாதிப்பை மத்திய அரசு தேசிய பேரிடராக அறிவித்தது.

இந்நிலையில்  தமிழக சட்டப்பேரவை கூட்டத்தொடர்  நடைபெற்று வருகிறது.சென்னை தலைமை செயலகத்தில் கொரோனா பரிசோதனை முகாம் அமைக்கப்பட்டுள்ளது. சட்டப்பேரவைக்கு வருகை தந்த எதிர்கட்சி தலைவர் மு.க.ஸ்டாலின் , துணை தலைவர் துரைமுருகன் உள்பட உறுப்பினர்கள் அனைவருக்கும்  கொரோனா வைரஸ் பரிசோதனை மேற்கொள்ளப்பட்டது.