கொரோனா தீவிரம்: சென்னையில் கூடுதலாக 1000 மருத்துவர்கள் நியமனம்.!

முதுநிலை மருத்துவம் படித்து முடித்த 1000 மருத்துவர்கள் சென்னையின் பல்வேறு அரசு மருத்துவமனைகளில் பணியமர்த்தப்பட்டுள்ளன.

கொரோனா சிகிச்சை அளிப்பதற்கான சென்னையில் இன்று முதல் கூடுதலாக 1000 மருத்துவர்கள் பணியமர்த்தப்பட்டுள்ளனர். முதுநிலை மருத்துவம் படித்து முடித்த 1000 மருத்துவர்கள் சென்னையின் பல்வேறு அரசு மருத்துவமனைகளில் பணியமர்த்தப்பட்டுள்ளன. சென்னையில் கொரோனா வேகமாக பரவி வரும் நிலையில், கூடுதல் மருத்துவர்கள் பணியில் அமர்த்தப்பட்டுள்ளனர். 

அதாவது, முதுநிலை மருத்துவ படிப்பை 3 ஆண்டு படித்து வந்தவர்களுக்கு கடந்த மாதம் 15 ஆம் தேதியுடன் முடிவடைந்தது. ஆனால் இறுதி தேர்வுகள் மட்டும் முடியவில்லை, மார்ச் மாதமே நடக்கவிருந்த தேர்வுகள் கொரோனா மற்றும் ஊரடங்கால் ஒத்திவைக்கப்பட்டது. இந்நிலையில், தற்போது சென்னையில் கொரோனா பரவல் அதிகரிப்பதால் முன்னெச்சரிக்கை நடவடிக்கையாக 3 ஆண்டுகள் படிப்பு முடிந்தும், இறுதி தேர்வு எழுதாமலே 1000 மருத்துவர்கள் பணியில் அமர்த்தப்பட்டுள்ளனர்.