#Breaking: சென்னையில் ஒரே நாளில் 616 பேருக்கு கொரோனா!

சென்னையில் மேலும் 616 பேருக்கு கொரோனா தொற்று உறுதியானதால், அங்கு கொரோனா பாதித்தோரின் எண்ணிக்கை 14 ஆயிரத்தை நெருங்கிறது.

தமிழகத்தில் இன்று புதிதாய் 938 பேருக்கு கொரோனா தொற்று உறுதிசெய்யப்பட்டுள்ள நிலையில், கொரோனா பாதித்தோரின் எண்ணிக்கை 21,184 ஆக உயர்ந்துள்ளது. இன்று 6 பேர் உயிரிழந்துள்ளதால், உயிரிழந்தோரின் எண்ணிக்கை 160 ஆக அதிகரித்தது. மேலும், கொரோனா தொற்றிலிருந்து மீண்டு வீடு திரும்பியோரின் எண்ணிக்கை 12,000 ஆக அதிகரித்தது.

இந்நிலையில், சென்னையில் இன்று ஒரே நாளில் 616 பேருக்கு கொரோனா தொற்று உறுதிசெய்யப்பட்டுள்ளதால், அங்கு கொரோனா பாதித்தோரின் எண்ணிக்கை 13,980 ஆக அதிகரித்துள்ளதாக சுகாதார துறை அமைச்சகம் தெரிவித்துள்ளது. மேலும், 119 பேர் உயிரிழந்துள்ள நிலையில், 7,321 பேர் வீடு திரும்பியுள்ளனர். மேலும், 6,539 பேர் மருத்துவமனையில் சிகிச்சை பெற்று வருவதாக தெரிவித்தது.