கொரோனா பரவல்.., கல்லூரிக்கு விடுமுறை..!

கும்பகோணத்தில் கொரோனா காரணமாக ஆசிரியர் பயிற்சி கல்லூரி விடுமுறை அளிக்கப்பட்டுள்ளது.

தமிழகத்தில் கொரோனா பரவல் குறைந்து வந்தநிலையில், கடந்த சில நாட்களாக கொரோனா பாதிப்பு அதிகரித்து வருகிறது. கடந்த 3-நாட்களாக கொரோனா பாதிப்பு 1000-ஐ தாண்டி வருகிறது. அதிலும், குறிப்பாக தஞ்சை மாவட்டத்தில் உள்ள பள்ளி மாணவர்கள் 100 பேருக்கு கொரோனா உறுதி செய்யப்பட்டது.

இதைத்தொடர்ந்தும், பல பள்ளி மாணவர்களுக்கு கொரோனா உறுதி செய்யப்பட்ட நிலையில், இன்று முதல் 9,10,11 வகுப்பு பள்ளி மாணவர்களுக்கு விடுமுறை அளிக்கப்பட்டுள்ளது. இந்நிலையில், கும்பகோணம் அருகே கோவிலாச்சேரியில் உள்ள ஆசிரியர் பயிற்சி நிறுவனத்தில் கொரோனா பரவல் காரணமாக கல்லூரிக்கு விடுமுறை அளித்து மாவட்ட நிர்வாகம் உத்தரவு பிறப்பித்துள்ளது.

கோவிலாச்சேரியில் அன்னை கல்விக்குழுமத்தின் ஆசிரியர் பயிற்சிக் கல்லூரிக்கு வருகின்ற 29-ஆம் தேதி வரை விடுமுறை அளிக்கப்பட்டுள்ளது.