கொரோனா எதிரொலி! தமிழகம் -கர்நாடகா போக்குவரத்து ரத்து!

கடந்த இரண்டு மாதங்களாக கொரோனா பாதிப்பு மிக தீவிரமாக பரவி வருகிறது. இந்த பாதிப்பு முதலில் சீனாவில் ஏற்பட்டுள்ள நிலையில், அங்கு பல்லாயிரக்கணக்கான மக்கள் இந்த நோயின் பாதிப்பால் உயிரிழந்துள்ளனர். இதனையடுத்து இந்த நோயின் பாதிப்பு மற்ற நாடுகளிலும் பரவி வருகிற நிலையில், அனைத்து நாடுகளிலும் பல்வேறு கட்டுப்பாடுகள் விதிக்கப்பட்டுள்ளது. 

தற்போது இந்தியாவில் கொரோனா வைரஸ் பரவியுள்ளது. தமிழகத்திலும் சிலருக்கு கொரோனா தொற்று இருப்பது கண்டுபிடிக்கப்பட்டுள்ளது. இதனையடுத்து, தமிழகத்தில் பல கட்டுப்பாடுகளை தமிழக அரசு அறிவித்துள்ளது.

இந்நிலையில், பிரதமர் நரேந்திரமோடி, வரும் 22-ம் தேதி ஊரடங்கு உத்தரவை கடைபிடிக்குமாறு தெரிவித்துள்ளார். இதனையடுத்து, கர்நாடகாவிலிருந்து தமிழகத்துக்கு இயக்கப்படும் கர்நாடக அரசு பேருந்துகள் இன்று முதல் நிறுத்தப்படுகிறது. நேற்று முதலே தமிழக பேருந்துகள் நிறுத்தப்பட்ட நிலையில், தமிழக – கர்நாடகா இடையிலான போக்குவரத்து முற்றிலும் நிறுத்தப்பட்டுள்ளது.