இந்த விவகாரத்தில் திமுகவுடன் இணைந்து காங்கிரஸ் போராடும் – திருநாவுக்கரசர்

thirunavukarasu [Imagesource : Hindu]

காவிரி நீர் மேலாண்மை ஆணையத்தின் 23வது கூட்டம் டெல்லியில் இன்று டெல்லியில் நடைபெற்றது. தமிழ்நாடு சார்பில் நீர்வளத்துறை செயலாள் சந்தீப் சக்சேனா மற்றும் காவிரி தொழில்நுட்ப குழு தலைவர் சுப்பிரமணியன் உள்ளிட்டோர் கலந்து கொண்டனர்.

இந்த நிலையில், காவிரியில் இருந்து 15 நாட்கள் 5 ஆயிரம் கன அடி நீர் திறக்க காவிரி ஒழுங்காற்று குழு பரிந்துரைத்திருந்த நிலையில், செப்.12-ஆம் தேதி வரை 15 நாட்களுக்கு, வினாடிக்கு 5 ஆயிரம் கன அடி நீர் திறக்க காவிரி மேலாண்மை ஆணையம் உத்தரவிட்டுள்ளது. 10 நாட்களுக்கு 24 ஆயிரம் கன அடி வீதம் தண்ணீர் திறக்க வேண்டும் என்று தமிழக அரசு கோரிக்கை வைத்திருந்த நிலையில், காவிரி மேலாண்மை ஆணையம் இந்த உத்தரவை பிறப்பித்துள்ளது.

இந்த நிலையில் செய்தியாளர்களுக்கு பேட்டியளித்த காங்கிரஸ் நாடாளுமன்ற உறுப்பினர் திருநாவுக்கரசர் அவர்கள், காவிரி விவகாரத்தில் திமுகவுடன் இணைந்து காங்கிரஸ் போராடும். காவிரி நதி நீர் பிரச்னை தண்ணீர் பற்றாக்குறை ஏற்படும் போது எல்லாம் வரும். தமிழகம் மற்றும் கர்நாடகா மாநில அரசுகள் சட்டப்படா செயலாற்ற வேண்டும். உச்சநீதிமன்றம், காவிரி ஆணையம் மூலம் சட்டப்படி தீர்வு காண வேண்டும் என வேண்டும் என தெரிவித்துள்ளார்.