கே.எஸ்.அழகிரி உள்பட காங்கிரஸ் கட்சியினர் கைது

 கே.எஸ்.அழகிரி உள்பட காங்கிரஸ் கட்சியினரை போலீசார் கைது செய்தனர். 

அண்மையில் சட்டமாக கொண்டு வரப்பட்ட வேளாண் சட்டங்களுக்கு எதிராக ஹரியானா மற்றும் பஞ்சாப் உள்ளிட்ட மாநிலங்களில் போராட்டங்கள் நடைபெற்று வருகிறது.எதிர்க்கட்சிகள் இந்த சட்டங்களுக்கு கடும் எதிர்ப்பு தெரிவித்து வருகின்றன.

இதனை கண்டித்து காங்கிரஸ் கட்சி சார்பில் நாடு முழுவதும் போராட்டம் நடத்த திட்டமிடப்பட்டுள்ளது. இதனிடையே சமீபத்தில் நிறைவேற்றிய வேளாண் சட்டங்களை எதிர்த்து தேனி – போடியில் விவசாயிகள் மாநாட்டை காங்கிரஸ் இளைஞரணி சார்பில் முடிவு செய்யப்பட்டது. ஆனால் போலீசார் இதற்கு அனுமதி அளிக்கவில்லை.இந்நிலையில் அனுமதியை மீறி வருகை தந்த தமிழக காங்கிரஸ் கமிட்டி தலைவர் கே.எஸ்.அழகிரி உள்ளிட்டோரை போலீசார் கைது செய்தனர்.