மருத்துவ சிகிச்சைக்கு பணமில்லை! அரளிவிதையை அரைத்து தனது 4 குழந்தைகளுக்கும் கொடுத்த தாய்!

• கோவை பீளமேடு பகுதியில் தனது 4 குழந்தைகளுடன் வசித்து வருகின்றனர் கோவிந்தராஜ்  – அம்சவேணி தம்பதியினர். 
• ஒரு குழந்தைக்கு சிகிச்சை செய்ய பணமின்றி அரளிவிதை அரைத்து அனைத்து குழந்தைகளுக்கும் கொடுத்து விட்டார் தாய் அம்சவேணி. 

கோயம்புத்தூர் பீளமேடு பகுதியில் வசித்து வருகிறார் கோவிந்தராஜ். இவரது மனைவி பெயர் அம்சவேணி. இந்த தம்பதிக்கு சௌமியா, சத்யப்ரியா, மணிகண்டன், சபரிநாதன் என 4 அக்குழந்தைகள் உள்ளனர்.

இதில் சத்ய பிரியாவுக்கு நுரையீரல் பிரச்சனை எழுந்துள்ளது. இவருக்கு மருத்துவம் பார்க்க அதிக செலவாகியுள்ளது. ஆனால் அவர்களிடம் போதிய நிதிவசதி இல்லை. அதனால், கோவிந்தராஜ் வேலைக்கு சென்ற நேரம் பார்த்து, அம்சவேணி, தனது 4 குழந்தைகளுக்கும் அரளி விதை கொடுத்துள்ளார்.

பின்னர் மனம் மாறிய அவர் தனது நான்கு குழந்தைகளையும் மருத்துவமனை கூட்டி சென்றுள்ளார். தற்போது அவர்களுக்கு தீவிர சிகிச்சை அளிக்கப்பட்டு வருகிறது. இது குறித்து வழக்குப்பதிவு செய்து போலீசார் விசாரணை நடத்தி வருகின்றனர்.