நள்ளிரவில் கேக் வெட்டி கொண்டாட்டம் :தி.மு.க. தலைவர் கருணாநிதியின் 95ஆவது பிறந்தநாள்..!

தி.மு.க. தலைவர் கருணாநிதி இன்று 95ஆவது பிறந்தநாளைக் கொண்டாடுகிறார். இதையொட்டி, கோபாலபுரத்தில் உள்ள அவரது வீடு விழாக்கோலம் பூண்டுள்ளது. அண்ணா அறிவாலயம் வண்ண விளக்குகளால் அலங்கரிக்கப்பட்டிருந்தது. நள்ளிரவில் கட்சித் தொண்டர்கள் கோபாலபுரத்தில் உள்ள இல்லத்தில் கேக் வெட்டிக் கொண்டாடினர்.

கருணாநிதி பிறந்தநாளையொட்டி மருத்துவ முகாம்கள், ரத்ததான முகாம்கள், நலத்திட்ட உதவிகள் வழங்கும் நிகழ்ச்சிகளுக்கு ஏற்பாடு செய்யப்பட்டுள்ளது. வாழ்த்தரங்கம், கவியரங்கம், பட்டிமன்றம் போன்றவையும் நடைபெற உள்ளன. சென்னையில் இன்று மாலை நடைபெறும் கருத்தரங்கில் வைரமுத்து, பழ.கருப்பையா உள்ளிட்டோர் வாழ்த்திப் பேசுகின்றனர்.

இதனிடையே, மேற்கு வங்க முதலமைச்சர் மம்தா பானர்ஜி, திமுக தலைவர் கருணாநிதிக்கு வாழ்த்து தெரிவித்துள்ளார். டுவிட்டரில் வாழ்த்து தெரிவித்து, பதிவிட்டுள்ள அவர், நல்ல உடல் நலம் மற்றும் மகிழ்ச்சியுடன் கருணாநிதி வாழ பிரார்த்திப்பதாக கூறியுள்ளார்.