செந்தில் பாலாஜியை சந்திக்க ஓமந்தூரார் மருத்துவமனை செல்கிறார் முதல்வர் மு.க.ஸ்டாலின்.?

MK Stalin - SenthilBalaji [Image source : file image]

அமைச்சர் செந்தில் பாலாஜியை முதல்வர் மு.க.ஸ்டாலின் நேரில் சந்திக்கிறார் என தகவல் வெளியாகியுள்ளது. 

அமலாக்கத்துறையினர் சோதனைக்கு பிறகு இன்று அதிகாலை தமிழக மதுவிலக்கு ஆயத்தீர்வை மற்றும் மின்சாரத்துறை அமைச்சர் செந்தில் பாலாஜி கைது செய்யப்பட்டு விசாரணைக்கு அழைத்து செல்லப்படுகையில் நெஞ்சுவலி காரணமாக, தற்போது ஓமந்தூரார் அரசு மருத்துவமனையில் அனுமதிக்கப்பட்டு தீவிர சிகிச்சை பிரிவில் சிகிச்சை அளிக்கப்பட்டு வருகிறது.

இந்நிலையில், அமைச்சர் செந்தில் பாலாஜியின் உடல்நிலை குறித்து அறிய முதல்வர் மு.க.ஸ்டாலின் ஓமந்தூரார் மருத்துவமனை செல்லவுள்ளதாக தகவல் வெளியாகியுள்ளது. சென்னை தலைமைச் செயலகம் செல்லும் முன்பு சந்திக்க உள்ளதாகக் கூறப்படுகிறது.

ஓமந்தூரார் மருத்துவமனையின் 6-வது மாடியிலுள்ள ICU-வில் செந்தில் பாலாஜிக்கு சிகிச்சை அளிக்கப்பட்டு வரும் நிலையில், இன்று காலை 9.30 மணியளவில் முதல்வர் நேரில் செல்லவுள்ளதாக தகவல் வெளியாகியுள்ளது.

இதற்கிடையில், அமைச்சர் செந்தில் பாலாஜியின் உடல்நிலை தொடர்ந்து கண்காணிக்கப்பட்டு வருகிறது. அவரது இதயத்துடிப்பு , உடலில் ஆக்சிஜன் சமநிலை கண்காணிக்கப்பட்டு வருவதாக ஓமந்தூரார் மருத்துவமனை தரப்பில் தகவல் வெளியாகியுள்ளது,