சின்னசேலம் : ஆம்னி பேருந்து கவிழ்ந்து விபத்து.. 2 பேர் உயிரிழப்பு.!

[File Image]

புதுச்சேரியிலிருந்து திருப்பூர், பெங்களூரு நோக்கி சென்று கொண்டிருந்த தனியார் ஆம்னி பேருந்து ஒன்று, கள்ளக்குறிச்சி மாவட்டம் சின்னசேலம் அருகே சென்று கொண்டிருக்கும் போது கட்டுப்பாட்டை இழந்து கவிழ்ந்தது.

ஆம்னி பேருந்து கவிழ்ந்த விபத்தில் சம்பவ இடத்திலேயே ஒரு பெண் உட்பட இரண்டு பேர் பரிதாபமாக உயிரிழந்தனர். மேலும் இருபது பேர் படுகாயம் அடைந்தனர்.

தகவல் அறிந்து வந்த போலீசார் காயம் அடைந்தவர்களை மருத்துவமனைக்கு அனுப்பி வைத்தனர். விபத்து குறித்து வழக்கு பதிவு செய்து, விபத்துக்கான காரணம் குறித்து காவல்துறையினர் விசாரணை செய்து வருகின்றனர்.