முதல்வர் ஸ்டாலின் ஓபிஎஸ்-ஐ பீ டீமாக வைத்துள்ளார் – ஈபிஎஸ்

முதல்வர் ஸ்டாலின் ஓபிஎஸ்-ஐ பீ டீமாக வைத்து அதிமுகவை பிளக்க பார்க்கிறார் என ஈபிஎஸ் குற்றசாட்டு. 

தமிழ்நாடு சட்டப்பேரவையில் ஜனநாயக படுகொலை செய்யப்பட்டதாக இபிஎஸ் தலைமையில் சென்னை வள்ளுவர் கோட்டத்தில் தடையை மீறி கருப்பு சட்டை அணிந்து அதிமுகவினர் போராட்டத்தில்  ஈடுபட்டிருந்தனர்.

இந்த நிலையில், தடையை மீறி போராட்டம் நடத்தியதால் அதிமுக இடைக்கால பொதுச்செயலாளர் இபிஎஸ், ஜெயக்குமார், கே.பி.முனுசாமி உள்ளிட்ட முன்னாள் அமைச்சர்கள் மற்றும் எம்.எல்.ஏக்கள் கைது செய்யப்பட்டுள்ளனர். இதனையடுத்து, கைது செய்யப்பட்டவர்கள் எழும்பூர் ராஜரத்தினம் மைதானத்தில் தடுப்பு காவலில்  வைக்கப்பட்டுள்ளனர்.

அங்கு செய்தியாளர்களுக்கு பேட்டியளித்த ஈபிஎஸ், சபாநாயகர் நடுநிலையுடன்  செயல்படவில்லை. வேண்டுமென்றே திட்டமிட்டு ஸ்டாலின் ஆலோசனைப்படி சபாநாயகர் செயல்படுகிறார். எதிர்க்கட்சி துணைத்தலைவர் விவகாரத்தை 3 மாதம் சபாநாயகர் கிடப்பில் போட்டுவிட்டார்.

தமிழகத்தில் சட்ட ஒழுங்கு சீரழிந்துள்ளது. நீதிமன்ற தீர்ப்பை சபாநாயகர் மதிக்கவில்லை. முதல்வர் ஸ்டாலின் ஓபிஎஸ்-ஐ பீ டீமாக வைத்து அதிமுகவை பிளக்க பார்க்கிறார்.ஸ்டாலின்- ஓ.பி.எஸ் நேற்று அரை மணி நேரம் சந்தித்து ஆலோசித்துள்ளனர் என குற்றம்சாட்டியுள்ளார். மேலும், அதிமுகவை சிதைக்க வேண்டும், பிளக்க வேண்டும் என்ற முதல்வரின் எண்ணம் பலிக்காது என தெரிவித்துள்ளார்.