இன்று பிறந்தநாள் கொண்டாடும் தேமுதிக தலைவர் விஜயகாந்துக்கு முதல்வர் பழனிசாமி வாழ்த்து.!

விஜயகாந்தின் 69-வது பிறந்தநாளையொட்டி தமிழக முதல்வர் பழனிசாமி வாழ்த்துக்களை தெரிவித்துள்ளார்.

தேமுதிக பொதுச் செயலாளர் விஜயகாந்தின் இன்று 68-வது பிறந்தநாளையொட்டி தனது குடும்பத்தினருடன் செல்பி எடுத்து அவர் பிறந்தநாளை கொண்டாடியுள்ளார். இந்த புகைப்படத்தில் மனைவி மற்றும் இரு மகன்களுடன் அதே குழந்தை சிரிப்பில் போஸ் கொடுத்துள்ளார். விஜயகாந்த் அவர்களுக்கு அரசியல் பிரபலங்கள் மற்றும் சினிமா நட்சத்திரங்கள் என பலரும் பிறந்தநாள் வாழ்த்துக்களை தெரிவித்து வருகின்றனர்.

அந்தவகையில், தமிழக முதல்வர் பழனிசாமி, அவரது ட்விட்டர் பக்கத்தில் விஜயகாந்த் அவர்களுக்கு வாழ்த்துக்களை தெரிவித்துள்ளார். முதல்வர் பதிவில், திரைத்துறை, அரசியல் மற்றும் பொதுவாழ்வில் சிறப்பாக பணியாற்றி நன்முத்திரை பதித்து வரும் விஜயகாந்த் அவர்கள் நல்ல உடல்நலத்தோடும், நீண்ட ஆயுளோடும் நீடூழி வாழ்ந்து தொடர்ந்து மக்கள் பணியாற்ற எல்லாம் வல்ல இறைவனை வேண்டி, உளம்நிறைந்த பிறந்தநாள் வாழ்த்துகளை அன்போடு தெரிவித்துக் கொள்கிறேன் என்று பதிவிட்டுள்ளார்.

திரைத்துறை, அரசியல் மற்றும் பொதுவாழ்வில் சிறப்பாக பணியாற்றி நன்முத்திரை பதித்து வரும் @iVijayakant அவர்கள் நல்ல உடல்நலத்தோடும், நீண்ட ஆயுளோடும் நீடூழி வாழ்ந்து தொடர்ந்து மக்கள் பணியாற்ற எல்லாம்வல்ல இறைவனை வேண்டி, உளம்நிறைந்த பிறந்தநாள் வாழ்த்துகளை அன்போடு தெரிவித்துக் கொள்கிறேன். pic.twitter.com/rPkZkm05ZM

— Edappadi K Palaniswami (@CMOTamilNadu) August 24, 2020