இன்று மதுரை செல்கிறார் முதல்வர் மு.க.ஸ்டாலின்…!

கிராம சபை கூட்டத்தில் கலந்து கொள்வதற்காக மதுரை செல்கிறார் முதல்வர்.

தமிழகத்தில் 9 மாவட்டங்களில் ஊரக உள்ளாட்சி தேர்தல் நடைபெற உள்ள நிலையில், இன்று கிராம சபை கூட்டம் நடத்துவதற்கு தமிழக அரசு அனுமதி அளித்துள்ளது. இந்த கூட்டமானது கொரோனா தடுப்பு விதிகளை பின்பற்றி நடத்த வேண்டும் என்றும் அறிவுறுத்தப்பட்டுள்ளது.

இந்நிலையில் மதுரை மாவட்டம் உசிலம்பட்டி அருகே உள்ள பாப்பாபட்டி கிராமத்தில் நடைபெறும் கிராமசபை கூட்டத்தில் முதல்வர் மு.க.ஸ்டாலின் அவர்கள் இன்று கலந்து கொள்ள உள்ளார். கூட்டத்தில் கலந்து கொள்வதற்காக முதல்வர் மு.க.ஸ்டாலின் அவர்கள் சென்னையில் இருந்து விமானம் மூலம் புறப்பட்டு, காலை 9 மணிக்கு மதுரை செல்கிறார். இவருக்கு விமான நிலையத்தில் உற்சாக வரவேற்பு அளிக்கப்படவுள்ளது.