இன்று டெல்லி செல்கிறார் முதல்வர் மு.க.ஸ்டாலின்…!

இன்று டெல்லி செல்கிறார் முதல்வர் மு.க.ஸ்டாலின்.

கர்நாடகாவில் மேகதாது அணை கட்டுவது தொடர்பாக சமீப நாட்களாக கர்நாடகா மற்றும் தமிழ்நாட்டிற்கு இடையே பிரச்சினை நிலவி வருகிறது. இந்த நிலையில் கர்நாடக அரசு மேகதாது அணையை கட்டியே தீருவோம் என்று திட்டவட்டமாக கூறி வருகின்றது. இதற்கு தமிழக அரசு சார்பாக எதிர்ப்பு தெரிவிக்கப்பட்டு வருகிறது.

இந்நிலையில், இன்று தமிழக முதல்வர் மு.க.ஸ்டாலின் அவர்கள் டெல்லிக்கு பயணம் மேற்கொள்கிறார். அப்போது பிரதமர் நரேந்திர மோடியை சந்தித்து, மேகதாது அணை தொடர்பாக பேசவுள்ளதாக தெரிவிக்கப்பட்டுள்ளது. மேலும், டெல்லி பயணத்தின் போது ஜனாதிபதி ராம்நாத் கோவிந்த் அவர்களையும் சந்திக்கவுள்ளதாகவும், இந்த சந்திப்பு மரியாதையின் நிமித்தமானது என்றும் கூறப்படுகிறது.