கள ஆய்வில் முதலமைச்சர் : சட்டம் ஒழுங்கு ஆய்வு கூட்டத்தில் முதல்வர் மு.க.ஸ்டாலின்.!

காவல்துறை உயர் அதிகாரிகள் உடன் முதல்வர் மு.க.ஸ்டாலின் இன்று மாவட்ட வாரியாக சட்ட ஒழுங்கு பற்றி ஆலோசனை மேற்கொண்டார். 

கள ஆய்வில் முதல்வர் எனும் திட்டத்தின் கீழ் சேலம், தர்மபுரி, நாமக்கல், கிருஷ்ணகிரி ஆகிய 4 மாவட்டங்களில் நடைபெறும் அரசு திட்டங்கள் தொடர்பாக முதல்வர் இன்றும் நாளையும் முக்கிய அதிகாரிகளுடன் ஆய்வு மேற்கொள்ள உள்ளார். இன்று காலை சேலம் வந்ததும் ஓமலூர் வட்டாச்சியர் அலுவலகத்தில் முதல்வர் மு.க.ஸ்டாலின் ஆய்வு மேற்கொண்டார்.

ஆட்சியர்களோடு ஆலோசனை : அதனை தொடர்ந்து சேலத்தில் கட்டமைக்கப்பட்டு வரும் ஈரடுக்கு நவீன பேருந்து நிலையத்தை முதல்வர் அதிகாரிகளுடன் ஆய்வு செய்தார். அதன் பிறகு, தற்போது சேலம் மாவட்ட ஆட்சியர் அலுவகத்தில்  சேலம், தர்மபுரி, நாமக்கல், கிருஷ்ணகிரி ஆகிய 4 மாவட்ட ஆட்சியர்களோடு ஆலோசனை மேற்கொண்டார்.

நான் முதல்வன்  : அதில் அந்தந்த மாவட்டங்களில் அரசு மற்றும் அரசு உதவி பெரும் பள்ளி கல்லூரிகளில் மாணவர்களின் திறனை மேம்படுத்த அறிமுகப்படுத்தப்பட நான் முதல்வன் திட்டத்தின் கீழ் செயல்படுத்தப்படும் நடவடிக்கைகள் குறித்து ஆலோசனையில் தெறிந்து கொண்டார்.  அந்த மாணவர்களுக்கு உரிய சலுகைகள் கிடைக்கிறதா? சிறப்பு முகாம்கள் மூலம் எத்தனை மாணவர்கள் பயன்பெற்றார்கள் என்பது குறித்தும் ஆலோசித்தார்.

சட்டம் – ஒழுங்கு ஆலோசனை : அதனை அடுத்து தற்போது சேலம், தர்மபுரி, நாமக்கல், கிருஷ்ணகிரி மாவட்ட காவல்துறை உயர் அதிகாரிகளோடு கலந்தாலோசித்து வருகிறார். இந்த ஆலோசனை கூட்டத்தில்  தமிழ்நாடு சைலேந்திர பாபு, சட்டம் ஒழுங்கு உயர் அதிகாரி ஷங்கர், மேற்கு மண்டல காவல் துறை அதிகாரி சுதாகர், சேலம் சரக டிஐஜி ராஜேஸ்வரி , சேலம் மாநகர் காவல் ஆணையர் நஜ்முல் ஹோதா ஆகிய முக்கிய காவல்துறை அதிகாரிகள் கலந்துகொண்டனர்.