இளையராஜாவை விமர்சிக்க கூடாது என முதல்வர் அறிவுறுத்தி உள்ளார் – உதயநிதி ஸ்டாலின்

இளையராஜா குறித்து எந்த கருத்தும் கூற கூடாது என திமுகவினரை முதல்வர் அறிவுறுத்தியுள்ளார் என உதயநிதி ஸ்டாலின் பேட்டி. 

இசையமைப்பாளர் இளையராஜா புத்தகம் ஒன்றுக்கு எழுதிய முன்னுரையில், பிரதமர் மோடி தலைமையில் நாடு வளர்ச்சிப் பாதையில் சென்று கொண்டிருக்கிறது. சமூக நீதி தொடர்பாக பிரதமர் பல்வேறு நடவடிக்கைகளை எடுத்து வருகிறார். மோடியின் முத்தலாக் தடை போன்ற பல்வேறு சமூகப் பாதுகாப்பு திட்டங்களைக் கண்டு அம்பேத்கர் பெருமிதம் கொள்வார் என்றும் அம்பேத்கரும், மோடியும் இந்தியா குறித்து பெரிய கனவு கண்டவர்கள் எனவும் குறிப்பிட்டிருந்தார்.

இதற்க்கு எதிர்ப்புகளும், ஆதரவுகளும் பெருகி வரும் நிலையில், இதுகுறித்து  திமுக எம்எல்ஏ உதயநிதி ஸ்டாலின் அவர்கள் செய்தியாளர்களுக்கு பேட்டி அளிக்கையில், இளையராஜா குறித்து எந்த கருத்தும் கூற கூடாது என திமுகவினரை முதல்வர் அறிவுறுத்தியுள்ளார். இளையராஜாவை நாகரீகமற்ற முறையில் விமர்சிப்பது நிச்சயம் தவறு தான். பிரதமர் மோடி குறித்து இளையராஜா தெரிவித்து இருப்பது அவரின் தனிப்பட்ட கருத்து என்று தெரிவித்துள்ளார்.