மத்திய, மாநில அரசு உறவு குறித்து விளக்கம் கொடுத்த முதல்வர்..!

மத்திய அரசு ஒரு சக்கரம்; மாநில அரசு ஒரு சக்கரம் என முதல்வர் பழனிசாமி தெரிவித்தார்.

மத்திய, மாநில அரசு உறவு குறித்து விருத்தாசலத்தில் பேசிய முதல்வர் பழனிசாமி, ஸ்டாலின் சொல்லுகிறார், அதிமுக மத்தியில் உள்ள அரசுக்கு அடிபணிந்து போகிறது என பேசுகிறார். மத்தியில் ஒரு ஆட்சி, மாநிலத்தில் ஒரு ஆட்சி இதுதான் எல்லா காலத்திலும் உள்ளது.

ஒரு வாகனத்திற்கு இரண்டு சக்கரம் , இரண்டும் சரியாக இருந்தால்தான் இலக்கை அடையமுடியும். மத்தியில், மாநிலத்தில் இணைந்து பணியாற்றினால் தான் தமிழ்நாட்டு மக்களுக்கு நன்மை செய்ய முடியும். ஒரு சக்கரத்தை வைத்து கொண்டு வாகனத்தை ஓட்டமுடியாது.

மத்திய அரசு ஒரு சக்கரம்; மாநில அரசு ஒரு சக்கரம் எந்த திட்டத்தை கொண்டுவந்தாலும் அதை அனுமதிப்பது மத்திய அரசாங்கம். மக்களுக்கு தேவையான திட்டங்களை நடைமுறைப்படுத்த, அதற்கு அனுமதி வாங்க, அதற்கு நீதி வாங்க மத்தியில் இணக்கமான உறவு இருக்கவேண்டும் என தெரிவித்தார்.