செஸ் ஒலிம்பியாட் – ராகுல் காந்தி மற்றும் சோனியா காந்திக்கு அழைப்பு..!

காங்கிரஸ் கட்சியின் மூத்த தலைவர் சோனியா காந்தி மற்றும் ராகுல் காந்தி ஆகிய இருவரும், செஸ் ஒலிம்பியாட் தொடக்கவிழாவில் கலந்து கொள்வதற்கான அழைப்பிதழை வழங்கிய கனிமொழி எம்.பி.

சென்னையை அடுத்த மாமல்லபுரத்தில் வரும் 28-ம் தேதி முதல் ஆகஸ்ட் 10ம் தேதி வரை உலக செஸ் ஒலிம்பியாட் போட்டி நடைபெற உள்ளது. செஸ் ஒலிம்பியாட் போட்டிகளின் தொடக்க விழா மற்றும் நிறைவு விழா நிகழ்ச்சிகள் சென்னை நேரு உள்விளையாட்டரங்கில் நடைபெறவுள்ளன.

செஸ் ஒலிம்பியாட் போட்டிகளுக்கான ஏற்பாடுகள் மாமல்லபுரத்தில் ஒருபுறம் தீவிரமாக நடைபெற்று வரும் நிலையில், தொடக்க விழா நிகழ்ச்சிகளை பிரம்மாண்டமாக நடத்த தமிழக அரசு திட்டமிட்டுள்ளது.

இந்த நிலையில், கனிமொழி எம்.பி மற்றும் டி.ஆர்.பாலு இருவரும் சென்னையில் நடைபெறவிருக்கும் செஸ் ஒலிம்பியாட் போட்டியின் தொடக்க விழாவில் கலந்து கொள்வதற்கான அழைப்பிதழை,  காங்கிரஸ் கட்சியின் மூத்த தலைவர் சோனியா காந்தி மற்றும் ராகுல் காந்தி  ஆகிய இருவருக்கும் வழங்கியுள்ளனர். 

சென்னையில் நடைபெறவிருக்கும் #ChessOlympiad2022 போட்டியின் தொடக்க விழாவுக்கான அழைப்பிதழை, முதல்வர் திரு. @mkstalin அவர்களின் சார்பில், காங்கிரஸ் கட்சியின் மூத்த தலைவர் திருமிகு. சோனியா காந்தி மற்றும் திரு. @RahulGandhi ஆகிய இருவருக்கும் வழங்கிய போது. pic.twitter.com/JDv8fExnDd

— Kanimozhi (கனிமொழி) (@KanimozhiDMK) July 25, 2022