முதல் முறையாக தமிழகத்தில் “செஸ் ஒலிம்பியாட்” போட்டி – முதல்வர் ஸ்டாலின் மகிழ்ச்சி!

இரண்டு ஆண்டுகளுக்கு ஒருமுறை நடத்தப்படும் “செஸ் ஒலிம்பியாட்” போட்டியானது சர்வதேச அளவில் நடைபெறும் செஸ் போட்டிகளில் மிக முக்கியமானதாக உள்ளது.

உக்ரைன்-ரஷ்யா போர் காரணமாக சர்வதேச போட்டிகளை பல்வேறு விளையாட்டு அமைப்புகள் ரத்து செய்து வரும் நிலையில்,ரஷ்ய தலைநகர் மாஸ்கோவில் நடைபெறுவதாக இருந்த நடப்பு ஆண்டிற்கான 44-வது செஸ் ஒலிம்பியாட் போட்டியகளும் ரத்து செய்யப்பட்டது.

இதனையடுத்து,செஸ் ஒலிம்பியாட் போட்டியை நடத்துவதற்கான ஏலத்தில் இந்தியா வெற்றி பெற்றது.இந்நிலையில்,44-வது செஸ் ஒலிம்பியாட் போட்டிகள் இந்தியாவில் முதல் முறையாக சென்னையில் நடைபெறும் என அதிகாரப்பூர்வமாக அறிவிக்கப்பட்டுள்ளது. உத்தேசமாக ஜூலை 26 ஆம் தேதி இப்போட்டிகள் தொடங்கி ஆகஸ்ட் 8 ஆம் தேதி வரை சென்னையில் நடைபெறுகிறது என்று கூறப்படுகிறது, இபோட்டியில்,சுமார் 200 நாடுகளில் இருந்து 2000 வீரர்கள் பங்கேற்க உள்ளனர்.

மேலும்,சென்னையில் ‛செஸ் ஒலிம்பியாட்-2022′ போட்டியை நடத்துவதில் தமிழகம் பெருமை கொள்வதாகவும்,இப்போட்டியில் பங்கேற்கும் வீரர், வீராங்கனைகளை வரவேற்பதாகவும் முதல்வர் ஸ்டாலின் அவர்கள் மகிழ்ச்சி தெரிவித்துள்ளார்.

இதுதொடர்பாக தனது ட்விட்டர் பக்கத்தில் முதல்வர் கூறியிருப்பதாவது:

“இந்தியாவின் செஸ் தலைநகரம் 44-வது செஸ் ஒலிம்பியாட் போட்டியை நடத்த உள்ளது மகிழ்ச்சி அளிக்கிறது! தமிழகத்திற்கு பெருமை சேர்க்கும் தருணம்! உலகெங்கிலும் உள்ள அனைத்து மன்னர்களையும் ராணிகளையும் சென்னை அன்புடன் வரவேற்கிறது”,என்று தெரிவித்துள்ளார்.

Delighted that the Chess Capital of India is set to host the 44th Chess Olympiad! A proud moment for Tamil Nadu! Chennai warmly welcomes all the Kings and Queens from around the world!#ChessOlympiad2022

— M.K.Stalin (@mkstalin) March 15, 2022