சென்னை முட்டுக்காடு சுற்றுலாத்தலமாக மேம்படுத்தப்படும்; அமைச்சர் அறிவிப்பு.!

சென்னை முட்டுக்காடு பகுதி, சுற்றுலாத்தலமாக மேம்படுத்தப்படும் என சட்டப்பேரவையில் அமைச்சர் அறிவிப்பு.

தமிழ்நாடு சட்டப்பேரவையில் பட்ஜெட் கூட்டத்தொடரின் பல்வேறு மானியக் கோரிக்கைகள் மீதான விவாதம் நடைபெற்று வருகிறது, இதில் சுற்றுலாத்துறை மானியக்கோரிக்கைகள் மீதான விவாதத்தில், சென்னை முட்டுக்காடு பகுதியில் அமைந்துள்ள 30 ஏக்கர் தீவுப் பகுதியை, கடற்கரை சுற்றுலாத்தலமாக மேம்படுத்தும் வகையில் ரூ.5 கோடி மதிப்பில் ஏற்படுத்தப்படும் என அமைச்சர் அறிவித்துள்ளார்.

மேலும் இந்த முட்டுக்காட்டு பகுதியில் அமைந்துள்ள 30 ஏக்கர் தீவுப்பகுதியை சுற்றுலாத்தலமாக மேம்படுத்தும் பணியில், சாகச விளையாட்டுகள், நடைபாதைகள், பறவைகளை பார்வையிடுவதற்கான இடம் என பல்வேறு பொழுது போக்கு அம்சங்களுடன் 5 கோடி ரூபாய் மதிப்பீட்டில் ஏற்படுத்தப்படும் என சுற்றுலாத்துறை அமைச்சர் ராமசந்திரன் கூறியுள்ளார்.

ரமந்தபுரத்தில் உள்ள தனுஷ்கோடியிலும், பல்வேறு சுற்றுலா வசதிகளுடன் ரூ.5 கோடி மதிப்பில் மேம்படுத்தப்படும் எனவும் சுற்றுலாத்துறை கொள்கை விளக்க குறிப்பில் அமைச்சர் தகவல் தெரிவித்துள்ளார்.