காவிரி வழக்கு, வன்கொடுமை தடுப்புச் சட்ட சீராய்வு மனு குறித்து..!!முதலமைச்சர் ஆலோசனை..!!

காவிரி விவகாரம் தொடர்பாக தமிழக அரசின் தலைமை வழக்கறிஞர் விஜய் நாராயணனுடன், முதலமைச்சர் எடப்பாடி பழனிசாமி தலைமைச் செயலகத்தில் ஆலோசனை நடத்தினார்.

அரை மணி நேரம் நடைபெற்ற இந்த ஆலோசனையில் அரசு தலைமைச் செயலாளர் கிரிஜா வைத்தியநாதனும் கலந்து கொண்டார். வன்கொடுமை தடுப்புச் சட்டத்தில் திருத்தம் செய்வதற்கு எதிராக உச்சநீதிமன்றத்தில் தொடரப்பட்ட சீராய்வு மனு தொடர்பாகவும், காவிரி வழக்கில் மத்திய அரசுக்கு எதிரான அவதூறு வழக்கு விசாரணை குறித்தும் இதில் ஆலோசிக்கப்பட்டது.

காவிரி மேலாண்மை வாரிய விவகாரத்தில் சட்டரீதியாக என்னென்ன வழிமுறைகள் உள்ளது என்பது தொடர்பாக விவாதிக்கப்பட்டதாகக் கூறப்படுகிறது. 18 எம்.எல்.ஏ.க்கள் தகுதி நீக்கம் வழக்கு குறித்தும் ஆலோசிக்கப்பட்டதாக சொல்லப்படுகிறது.

மேலும் செய்திகளுக்கு தினச்சுவடுடன் இணைந்திருங்கள்