பயணத்திட்டத்தில் மாற்றம்..! விவேகானந்தர் இல்லத்திற்கு செல்கிறார் பிரதமர் மோடி..!

பிரதமர் மோடி, மெரினா கடற்கரையில் உள்ள விவேகானந்தர் இல்லத்திற்கு செல்கிறார்.

பிரதமர் நரேந்திர மோடி தமிழகம் வருகை:

பிரதமர் நரேந்திர மோடி நாளை தமிழகம் வருகிறார். சென்னை மற்றும் கோவை இடையேயான வந்தே பாரத் ரயில் சேவையைத் தொடங்கி வைக்கிறார். அதன் பின், சென்னை விமான நிலைய புதிய முனையக் கட்டிடத்தை திறந்து வைக்கவுள்ளார்.

பலத்த பாதுகாப்பு:

பிரதமர் மோடி வருகையையொட்டி, சட்டம், ஒழுங்கு, குற்றப்பிரிவு, போக்குவரத்து மற்றும் சிறப்பு பிரிவு காவல் அதிகாரிகள், ஆளிநர்கள், ஆயுதப்படை, கமாண்டோ, தமிழ்நாடு சிறப்பு காவல் படை காவல் ஆளிநர்கள் உள்பட 22,000 காவல் அதிகாரிகள் கொண்ட 5 அடுக்கு பாதுகாப்பு ஏற்பாடுகள் செய்யப்பட்டுள்ளது.

விவேகானந்தர் இல்ல நிகழ்ச்சி : 

இந்நிலையில், சென்னைக்கு நாளை வரும் பிரதமர் மோடி, மெரினா கடற்கரையில் உள்ள விவேகானந்தர் இல்லத்தில் நடக்கும் நிகழ்ச்சியில் பங்கேற்கிறார். முன்னதாக, பிரதமர் பங்கேற்கவிருந்த ராமகிருஷ்ணா மடத்தில் நடைபெறுகின்ற நிகழ்ச்சிக்கு பதிலாக  விவேகானந்தர் இல்லத்தில் நடக்கும் நிகழ்ச்சியில் பங்கேற்க உள்ளதாக தகவல்கள் வெளியாகியுள்ளது. மேலும்,  பிரதமர் மோடி வருகை காரணமாக நாளை மெரினா கடற்கரைக்குச் செல்ல பொதுமக்களுக்கு தடை விதிக்கப்பட்டுள்ளது.