தமிழகத்தில் 8 மாவட்டங்களில் மழைக்கு வாய்ப்பு..!

by பால முருகன்Posted on July 31, 2020

தமிழகத்தில் 8 மாவட்டங்களுக்கு மழைக்கு வாய்ப்பு என்று சென்னை வானிலை ஆய்வு மையம் தகவல்.

தமிழகத்தில் வளிமண்டல மேலடுக்கு சுழற்சியின் காரணமாக வேலூர், திருவண்ணாமலை, விழுப்புரம், காஞ்சிபுரம், திருவள்ளூர், சேலம், கிருஷ்ணகிரி, தருமபுரி, ஆகிய மாவட்டங்களில் மழைக்கு வாய்ப்புள்ளதாக சென்னை வானிலை ஆய்வு மையம் தகவல் அளித்துள்ளது.

சென்னையை பொருத்தவரை அடுத்த 48 மணி நேரத்திற்கு வானம் மேகமூட்டத்துடன் காணப்படும் நகரின் சில பகுதிகளில் லேசான முதல் மிதமான மழைபெய்ய வாய்ப்பு.

இந்நிலையில் மேலும், அதிகபட்சமாக காவேரிப்பாக்கம், ஏற்காட்டில் தலா 10 செ.மீ மழையும், ஊத்தங்கரை, போரூரில் தலா 3 செ.மீ மழை பெய்துள்ளதாகவும் சென்னை வானிலை ஆய்வு தகவல் அளித்துள்ளது.