தமிழகத்தில் 9 மாவட்டங்களில் மிக கனமழைக்கு வாய்ப்பு..!

தமிழகத்தில் இன்று விழுப்புரம்,புதுவை,காரைக்கால், கடலூர், நாகப்பட்டினம், தஞ்சாவூர், திருவாரூர், புதுக்கோட்டை , சிவகங்கை, ஆகிய மாவட்டங்களில்= கனமழை முதல் மிக கனமழைக்கு வாய்ப்பு.

இது தொடர்பாக தென்மண்டல வானிலை மைய தலைவர் பாலச்சந்திரன் கூறுகையில், “கடந்த 24 மணி நேரத்தில் தென் தமிழகம் மற்றும் வட கடலோர மாவட்டங்களில் பரவலாக மழை பெய்துள்ளது அதிகபட்சமாக விழுப்புரம் மாவட்டத்தில் மணம்பூண்டி யில் 17 செ.மீ மழையும், கள்ளக்குறிச்சி திருக்கோவிலூரில் 16. செ.மீ மழையும் பதிவாகியுள்ளது.

அடுத்த வருகின்ற 2 தினங்களில் தென் தமிழகம் மற்றும் வாகடலோர மாவட்டங்களில் அநேக இடங்களில் மிதமான மழைபெய்யும், கனமழை பொறுத்தவரையில் கடலோர மாவட்டங்களான விழுப்புரம், புதுவை, காரைக்கால், கடலூர், நாகப்பட்டினம், தஞ்சாவூர், திருவாரூர், புதுக்கோட்டை , சிவகங்கை, ஆகிய 9 மாவட்டங்களில் கனமழை முதல் மிக கனமழை பெய்யக்கூடும்.

சென்னை மற்றும் புறநகர்ப் பகுதிகளை பொறுத்தவரை நகரின் சில பகுதிகளில் லேசான முதல் மிதமான மழை பெய்யக்கூடும் என்றும் வானம் மேகமூட்டத்துடன் காணப்படும் மீனவர்களுக்கான எச்சரிக்கை எதுவும் இல்லை

வடகிழக்கு பருவமழையை பொறுத்தவரையில் கடந்த அக்டோபர் 1 ம் தேதி முதல் இன்று வரையிலான காலகட்டத்தில் தமிழகம் மற்றும் புதுவையில் பெய்து உள்ள மழையின் அளவு 452 மில்லி மீட்டர், இந்த காலகட்டத்தின் இயல்பு அளவு 419 மில்லிமீட்டர் இது இயல்பை விட 8 சதவிகிதம் அதிகம்” என்றும் தென்மண்டல வானிலை மைய தலைவர் பாலச்சந்திரன் கூறியுள்ளார்.