தமிழகத்தின் 16 மாவட்டங்களுக்கு கனமழை வாய்ப்பு – வானிலை மையம்..!!

தமிழகத்தின் 16 மாவட்டங்களுக்கு கனமழை வாய்ப்பிருப்பதாக சென்னை வானிலை ஆய்வு மையம் தகவல்.

வளிமண்டல மேலடுக்கு சுழற்சி காரணமாக இன்று தமிழகத்தின் கள்ளக்குறிச்சி, தர்மபுரி, சேலம்,  திருவண்ணாமலை ,கிருஷ்ணகிரி, தேனி, வேலூர் ,திண்டுக்கல், மதுரை ,திருப்பத்தூர் , கோயம்புத்தூர், ஈரோடு ,ராணிப்பேட்டை, காஞ்சிபுரம் , விழுப்புரம், கடலூர் ஆகிய 16 மாவட்டங்களில் ஒரு சில இடங்களில் இடி மின்னலுடன் கூடிய கனமழை பெய்ய வாய்ப்பிருப்பதாக சென்னை வானிலை ஆய்வு மையம் தகவல் தெரிவித்துள்ளது.

நாளை (ஜூலை) 4 – ம் தேதி சேலம், நாமக்கல், பெரம்பலூர், அரியலூர் ,கள்ளக்குறிச்சி, திருவண்ணாமலை, விழுப்புரம், கடலூர், திண்டுக்கல் மாவட்டங்களில் ஓரிரு இடங்களில் இடி மின்னலுடன் கூடிய கனமழை பெய்யக்கூடும். ஜூலை 5- ஆம் தேதி வட மாவட்டங்களில் ஓரிரு இடங்களில் இடியுடன் கூடிய கனமழை பெய்யக்கூடும் எனவும் ஏனைய மாவட்டங்களில் லேசானது முதல் மிதமான மழை பெய்யக்கூடும் என்றும் சென்னை வானிலை ஆய்வு மையம் தகவல் தெரிவித்துள்ளது.

சென்னையை பொறுத்தவரை வானம் மேகமூட்டத்துடன் காணப்படும் நகரின் சில பகுதியில் இடியுடன் கூடிய லேசானது முதல் மிதமான மழைக்கு வாய்ப்பு.  கடந்த 24 மணி நேரத்தில் தமிழகத்தின் பல மாவட்டங்களில் பரவலாக மழைபெய்துள்ளது. மேலும் தமிழகத்தில் கனமழை வருகின்ற 6-ம் தேதி வரை தொடரும் என்றும் சென்னை வானிலை ஆய்வு மையம் தகவல் தெரிவித்துள்ளது.