#BREAKING: சிபிஐ விசாரணை தேவை.. நடிகர் சூரி வழக்கு..!

தயாரிப்பாளர் அன்புவேல் ராஜன் தயாரிப்பில் கடந்த 2015-ம் ஆண்டு “வீரதீர சூரன்” படத்தில் நடிக்க நடிகர் சூரி மற்றும் விஷ்ணு விஷால் ஒப்பந்தம் செய்தப்பட்டனர். அப்போது, நடிகர் விஷ்ணு விஷால் தந்தை உடன் சூரிக்கு பழக்கம் ஏற்பட்டுள்ளது.

இதைத்தொடர்ந்து, நிலம் வாங்கித் தருவதாகக் கூறி தன்னிடம் பணம் பெற்று ரூ. 2.70 கோடியை மோசடி செய்தாக நடிகர் சூரி விஷ்ணு விஷால் தந்தை மீது புகார் கொடுத்தார். இந்நிலையில், நடிகர் விஷ்ணு விஷால் தந்தையும், ஓய்வு பெற்ற டிஜிபியுமான ரமேஷ் குடவாலா மீதான நில மோசடி வழக்கை சிபிஐக்கு மாற்ற வேண்டும் என நடிகர் சூரி சென்னை உயர்நீதிமன்றத்தில் வழக்கு தொடர்ந்துள்ளார்.

வருகின்ற நவம்பர் இறுதிக்குள் விசாரணை அறிக்கையை தாக்கல் செய்ய மத்திய குற்றப்பிரிவு போலீசாருக்கு உயர்நீதிமன்றம் உத்தரவு பிறப்பித்தது.