ஏடிஎம்களில் பணம் எடுக்க இனி OTP தேவை : பாரத ஸ்டேட் வங்கி..

பாரத ஸ்டேட் வங்கி (SBI) ஒரு முறை கடவுச்சொல் (OTP) அடிப்படையிலான ஏடிஎம் பணப்பரிவர்த்தனை சேவையைத் தொடங்கியுள்ளது. இது தனது வாடிக்கையாளர்களை போலி ஏடிஎம் பரிவர்த்தனைகளுக்கு எதிராக திறம்பட பாதுகாக்கிறது.

ஒரு அறிக்கையின்படி, மிக விரைவில் ஏராளமான வங்கிகள் ஏடிஎம்களில் இருந்து பணம் எடுக்கும் இந்த முறையைத் தேர்வு செய்யலாம். இது சட்டவிரோத பரிவர்த்தனைகளுக்கு எதிரான பாதுகாப்பை அதிகரிக்கும். ஜனவரி 1, 2020 அன்று OTP அடிப்படையிலான ஏடிஎம் பரிவர்த்தனை சேவையை SBI அறிமுகப்படுத்தியது. அனைத்து வாடிக்கையாளர்களும் இந்த சேவையைப் பெறுமாறு வேண்டுகோள் விடுத்துள்ளது.

எஸ்பிஐ வாடிக்கையாளர்கள் ஏடிஎம்களில் 10,000 ரூபாய்க்கு மேல் எடுக்கும்போது, ​OTPஐ பயன்படுத்தி வாடிக்கையாளர்கள் பணத்தை எடுக்க வேண்டும். OTP என்பது வாடிக்கையாளர்கள் தங்கள் பதிவு செய்யப்பட்ட மொபைல் எண்களில் பெறும் 4-இலக்க எண்ணாக உருவாக்கப்படும். OTP  ஒரு பரிவர்த்தனைக்கு மட்டுமே செல்லுபடியாகும்.

OTP மூலம் பணத்தை எடுப்பது எப்படி:

பணத்தை எடுக்கும்போது வாடிக்கையாளர் டெபிட் கார்டு மற்றும் பதிவு செய்யப்பட்ட மொபைல் எண்ணுடன் கூடிய மொபைல் ஃபோனை வைத்திருக்க வேண்டும்.

வாடிக்கையாளர் தங்கள் டெபிட் கார்டைச் செருகியதும், பணம் எடுக்கும் தொகையுடன் ATM பின்னை உள்ளிட்டதும், அவர்களிடம் OTP கேட்கப்படும்.

அவர்கள் பதிவுசெய்த மொபைல் எண்ணில் எஸ்எம்எஸ் மூலம் OTP பெறுவார்கள்.

வாடிக்கையாளர்கள் தங்கள் OTP ஐ ஏடிஎம் திரையில் உள்ளிட வேண்டும்.

நீங்கள் செல்லுபடியாகும் OTP ஐ உள்ளிட்டதும் பரிவர்த்தனை முடிவடையும்.