கேப்டன் விஜயகாந்த் இறுதி ஊர்வலம்…வழிநெடுக மக்கள் கண்ணீர் அஞ்சலி.!

தேமுதிக தலைவர் கேப்டன் விஜயகாந்த் உடல்நலக்குறைவு காரணமாக இன்று காலை 6.10 மணியளவில் சென்னை தனியார் மருத்துவமனையில் சிகிச்சை பலனின்றி உயிரிழந்தார்.  மறைந்த தேமுதிக தலைவர் விஜயகாந்தின் உடலுக்கு தொண்டர்கள், ரசிகர்கள், சக அரசியல் தலைவர்கள் உள்ளிட்ட பலர் இரங்கல் செலுத்தி வருகின்றனர்.

அவரது உடல் பொது மக்களின் அஞ்சலிக்காக கோயம்பேட்டில் உள்ள தேமுதிக தலைமை அலுவலகத்தில் வைக்கப்பட்டுள்ளது. நாளை (29.12.2023) வெள்ளிக்கிழமை மாலை 4.45 மணிக்கு மேல் அவருக்கு இறுதி சடங்கு செய்யப்பட்டு கட்சி அலுவலகத்திலேயே அடக்கம் செய்யப்படவுள்ளது.

விஜயகாந்த் இல்லத்தில் அரைக்கம்பத்தில் பறக்கவிடப்பட்ட தேமுதிக கொடி..!

இந்நிலையில், சென்னை சாலிகிராமத்தில் உள்ள வீட்டில் இருந்து விஜயகாந்தின் உடல், மக்கள் வெள்ளத்தில் சுமார் 2 மணி நேரமாக இறுதி ஊர்வலம் நடந்து வந்த நிலையில், தற்போது, கோயம்பேட்டில் உள்ள தேமுதிக தலைமை அலுவலகத்தில் விஜயகாந்த் உடல் அஞ்சலிக்காக வைக்கப்பட்டுள்ளது. இறுதி ஊர்வலதில் மக்களுடன் அவரது இரு மகன்கழும் நடந்தே வந்தனர்.

தேமுதிக தலைவர் விஜயகாந்த் காலமானார்…!

உரை பெட்டியில் அவருக்கு மிகவும் பிடித்த வேஷ்டி – சட்டை, கையில் வாட்ச், மோதிரம், கருப்பு கண்ணாடி, தேமுதிக துண்டு உள்ளிட்டவை அணிவிக்கப்பட்டுள்ளது. ஆனால், மறைந்த பிறகும், அவருக்கு மாஸ்க் போடப்பட்டுள்ளதால், அவரது முகத்தை சரியாக பார்க்க முடியவில்லை என ரசிகர்களும் தொண்டர்களும் வேதனை தெரிவிக்கின்றனர்.