#BREAKING: 10-ஆம் தேதி திமுகவில் போட்டியிடம் வேட்பாளர் பட்டியல் வெளியீடு..!

வருகின்ற 10-ஆம் தேதி தமிழக சட்டமன்ற தேர்தலில் திமுக சார்பில் போட்டியிடம் வேட்பாளர்களின் பட்டியல் வெளியாகிறது என ஸ்டாலின்  அறிவித்தார்.

தமிழகத்தில் நடைபெறவுள்ள சட்டசபை தேர்தலை தொடர்ந்து, அனைத்து கட்சிகளுடன் தீவிர பணியாற்றி வருகின்றனர். இந்நிலையில், திமுக ஒருபுறம் கூட்டணி கட்சிகளுடன் தொகுதி பங்கீடு பேச்சுவார்த்தை நடத்தி வருகிறது. மறுபுறம் விருப்ப மனு அளித்தவர்களிடம் நேர்காணலை நடத்தி வருகிறது.

திமுக சார்பில் விருப்பமனு அளித்தவர்களிடம் திமுக தலைவர் மு.க.ஸ்டாலின், பொதுச்செயலாளர் துரைமுருகன், பொருளாளர் டி.ஆர்.பாலு ஆகியோர் 4 -வது நாளாக அண்ணா அறிவாலயத்தில் நேர்காணல் செய்து வருகின்றனர். நேற்று திமுக பொதுச்செயலாளர் துரைமுருகன் வெளியிட்டுள்ள அறிவிப்பில், திமுக தலைவர் மு.க ஸ்டாலின் தலைமையில் இன்று  காலை 9 மணிக்கு திமுக மாவட்டச் செயலாளர்கள் கூட்டம் காணொலி வாயிலாக நடைபெறும் என தெரிவித்தார்.

அதன்படி, காணொலி வாயிலாக மாவட்ட செயலாளர்களுடன் மு.க ஸ்டாலின் ஆலோசனை நடத்தினார். அப்போது, அந்த கூட்டத்தில் பேசிய  திமுக தலைவர் ஸ்டாலின் வருகின்ற 10-ஆம் தேதி தமிழக சட்டமன்ற தேர்தலில் திமுக சார்பில் போட்டியிடம் வேட்பாளர்களின் பட்டியல் வெளியாகிறது என அறிவித்தார்.