பிப்ரவரி 4-ஆம் தேதி  தமிழக அமைச்சரவைக் கூட்டம் 

தமிழக அமைச்சரவைக் கூட்டம்  முதலமைச்சர் பழனிசாமி தலைமையில் வருகின்ற  4-ஆம் தேதி சென்னை தலைமைச் செயலகத்தில் நடைபெற உள்ளது என்று அறிவிக்கபப்ட்டுள்ளது.

நேற்று மக்களவையில்  2020-2021-ஆம் நிதியாண்டுக்கான மத்திய பட்ஜெட்டை நிதியமைச்சர் நிர்மலா சீதாராமன் தாக்கல் செய்தார்.மத்திய பட்ஜெட் தாக்கல் செய்து முடிந்த நிலையில்  பிப்ரவரி 4-ஆம் தேதி தமிழக அமைச்சரவைக் கூட்டம் நடைபெறுகிறது.

இந்நிலையில் இது குறித்து வெளியிடப்பட்டுள்ள அறிவிப்பில், முதலமைச்சர் பழனிசாமி தலைமையில் பிப்ரவரி 4-ஆம் தேதி   காலை 10.30 மணிக்கு சென்னை தலைமைச் செயலகத்தில் தமிழக அமைச்சரவைக் கூட்டம் நடைபெறுகிறது.முதலமைச்சர் பழனிசாமி தலைமையில் நடைபெறும் அமைச்சரவைக் கூட்டத்தில் துணை முதலமைச்சர் பன்னீர்செல்வம் மற்றும் அதிகாரிகள் கலந்துகொள்ள உள்ளனர். மத்திய பட்ஜெட் தாக்கல் செய்யப்பட்டுள்ள நிலையில்  மாநில பட்ஜெட் தாக்கல் செய்வது குறித்து ஆலோசனை மேற்கொள்ளப்படும் என்று எதிர்பார்க்கப்படுகிறது.மேலும் கொரோனா  வைரஸ் குறித்தும் ,   ஆலோசிக்கப்படும் என்று தெரிகிறது.