#BREAKING: பொதுச்செயலாளர், பொருளாளர் யார்? வரும் 9ஆம் தேதி திமுக பொதுக்குழு கூட்டம்.!

செப்டம்பர் 9-ம் தேதி பொதுக்குழு கூட்டம் நடைபெறும் என்று தி.மு.க. தலைவர் ஸ்டாலின் அறிவித்துள்ளார்.

திமுக பொதுச்செயலாளர், பொருளாளரை தேர்வு செய்ய வரும் 9ஆம் தேதி பொதுக்குழு கூட்டம் நடைபெறும் என முக ஸ்டாலின் அறிவித்துள்ளார். திமுக பொதுச்செயலாளர் மற்றும் பொருளாளர் வரும் 9 ஆம் தேதி நடைபெறும் பொதுக்குழு கூட்டத்தில் தேர்வு செய்யப்பட உள்ளனர். வரும் 9 ஆம் தேதி காலை 10 மணிக்கு காணொளி மூலம் நடைபெறும் பொதுக்குழுவில் உறுப்பினர்கள் பங்கேற்க ஸ்டாலின் அழைப்பு விடுத்துள்ளார்.

மேலும், இந்த கூட்டத்தில் பொதுச்செயலாளர் மற்றும் பொருளாளர் தேர்வாகின்றனர். பொருளாளர் பதவிக்கு டி.ஆர். பாலு, எ.எ.வேலு, ஆர்.ராசா உள்ளிட்டோர் பெயர் பரிசீலினையில் இருப்பதாக தகவல் கூறப்படுகிறது. இதுபோன்று பொருளாளராக உள்ள துரைமுருகன், திமுக பொதுச்செயலாளராக தேர்வு செய்யப்பட அதிக வாய்ப்பு இருப்பதாக தெரிவிக்கப்படுகிறது. இதனிடையே பொதுக்குழு கூட்டத்திற்கு முன்னதாக நாளை, மறுநாள் திமுக மாவட்ட செயலாளர் கூட்டம் நடைபெற உள்ளது. மார்ச் 29ல் நடைபெறவிருந்த பொதுக்குழு கூட்டம், கொரோனா பொதுமுடக்கத்தால் ஒத்திவைக்கப்பட்டிருந்தது.