#BREAKING: நீடிக்கும் ஒற்றை தலைமை சர்ச்சை – ஓபிஎஸ் – ஈபிஎஸ் தொடர் ஆலோசனை

அதிமுகவில் ஒற்றை தலைமை குறித்த பிரச்சனை எழுந்துள்ள நிலையில், ஓபிஎஸ் – ஈபிஎஸ் தனித்தனியே ஆலோசனை.

அதிமுகவில் ஒற்றை தலைமை சர்ச்சை நீடிக்கும் சூழ்நிலையில், ஆதரவு நிர்வாகிகளுடன் ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் தனித்தனியே ஆலோசனையில் ஈடுபட்டுள்ளனர். அடுத்தகட்ட நடவடிக்கை தொடர்பாக துணை ஒருங்கிணைப்பாளர் வைத்திலிங்கம், மனோஜ் பாண்டியன் உள்ளிட்டோர் ஓபிஎஸ்-யுடன், அவரது இல்லத்தில் ஆலோசனையில் ஈடுபட்டுள்ளனர். திட்டமிட்டபடி பொதுக்குழுவை கூடுவது குறித்து தம்பிதுரை, ஆர்பி உதயகுமார் உள்ளிட்டோருடன் ஈபிஎஸ் சென்னை பசுமை வழிசலையில் உள்ள இல்லத்தில் ஆலோசனை நடத்தி வருகிறார்.

இதனிடையே, அதிமுக பொதுக்குழுவை திட்டமிட்டபடி நடத்த 2,300க்கும் அதிகமான பொதுக்குழு உறுப்பினர்கள் கடிதம் தந்துள்ளனர் என ஈபிஎஸ் தரப்பில் தெரிவிக்கப்பட்டது. பொதுக்குழுவை தள்ளிவைக்க வலியுறுத்தி ஓபிஎஸ், ஈபிஎஸ்-க்கு எழுதிய கடிதத்தை அதிமுக தலைமை அலுவலக நிர்வாகிகள் கையெழுத்திட்டு வாங்கியுள்ளார்கள் என்றும் வைத்திலிங்கம் தெரிவித்துள்ளார். கடந்த வாரம் செவ்வாய்க்கிழமை முதல் ஒற்றை தலைமை குறித்த பிரச்சனை எழுந்துள்ள நிலையில், 8வது நாளாக ஓபிஎஸ் – ஈபிஎஸ் தனித்தனியே ஆலோசனை மேற்கொண்டு வருகின்றனர்.